District inkaihhruaina (Constitution)

Cricket Association of Mizoram
District inkaihhruaina (Constitution)
1. Affiliation chungchang –
1.A. District affiliate te hi Adhoc affiliation pek phawt an ni anga, kum hnih hnuah district chhungah cricket
club nghet paruk tal an neih theih chauhin Associate Member a hlankai theih an ni ang. Adhoc Member an
nih chhung hian tournament tam thei ang ber nei tura beisei an ni a, CAM in season khat atan tournament
vawi khat senso a tum sak ang.
1.B. CAM hnuaia Adhoc Member ni tur hian District Cricket Association ah registered club (District hnuai
Associate Member Club) pali tal an awm tur a ni a; Associate Member ni turin District Cricket Association ah
registered club (District hnuai Associate Member Club) paruk tal an awm tur a ni bawk.

1.D. Adhoc Member emaw, Associate Member emaw, Full Member emaw pek an nih dawn hian District
Association atangin dilna lehkha hmuh phawt tur a ni a, an activity lo neih tawh te, an file record te chu
Technical Committee te’n an enfiah anih hnuah an pawm chuan Apex Council pawmpui tura thlen a ni ang.
Full Member ni tur hian Club paruk tal (District hnuai Associate Member Club) an awm tur a ni a, a rei lo
berah kum 12 (4 terms of CAM) chatlak loin CAM hnuaih recognized member an ni tur a ni. Full Member bik
hi chu Technical Committee leh Apex Council a tlang hnuah AGM pawmpuina lak a ni ang.
2. Inthlan leh hruaitu chungchang –
2.A. CAM lama Apex Council member inthlanna neih leh kalphung ang thoin District Association hruaitute
hi Term khat (kum 3) atan an inthlang thin ang. Inthlan hun atan Apex Council Member inthlanna neih atanga
thla 3 ral hmain CAM Apex Council Member hriatpuinain CAM Observer hnuaiah inthlanna neih thin a ni ang
a, hemi ni lo inthlanna chu CAM pawmpui theih a ni lo ang. Eng emaw avanga hruaitu insiamrem leh ban
chungchang pawh CAM Observer hriatpuina leh remtihna hnuaiah kalpui tur a ni. Engvangpawha hruaitu
thlanna/thlanpuina neih theih anih loh chuan Election Observer-in tha a tih danin thutlukna a siam anga, chu
chu Apex council pawmpui turin thlen a ni ang.
2.B. District Office Bearers (OB) Post pawh CAM kalpui angin hetiang hian inthlan tur a ni ang – President,
Vice President, Secretary, Joint Secretary, Treasurer. Councillor post chu siam ve lem loin OB ten tul an tih
chuan Committee Member a tel turin Adviser post 3 aia tam lo an siam thei ang. Vote tla zat leh hmuh dan
hi hmuh theiha chhinchhiah thin tur a ni.
2.C. Inthlannaah hian District Cricket Association hnuaia OB nilai te , Committee Member nilai te, District
huam chhunga Affiliated Club (Associate) te chauhin vote an nei ang. Club te hian aiawh pakhat/vote khat
an nei ang.
2.D. OB tur hian district pawn lam mi thlan theih a ni lo a; hna thil avanga awm erawh chu thlan theih a ni
ang. Amaherawhchu, district chhungah inthlanni hma atanga chhiara thla 6 tal lo awm tawh a ni tur a ni.
2.E. Hruaitu hlui leh thar te charge inhlan hi inthlan result puan atanga kar khat (ni 7) chhunga tih fel tur
a ni a, committee member pawh mi 10 aia tam lo hemi ni hian an ruat tur a ni.
3. Fund chungchang –
3.1. Associate Member nih hnuah CAM atangin financial support nuaikhat leh singnga (1.5 lk.) leh thil tul
dang pek an ni anga, budget mumal tak hnuaiah chauh hman theih/hman tur a ni ang. Adhoc Member an
nih atangin CAM in a tul angin financial support leh bungrua (kits) a pe thei ang. Fund dawn te hi season
tawpah CAM in a enfiah/audit thin ang
3.2 Adhoc member an nih hnuah cement pitch siamsak an ni anga, a tul angin Coach pek an ni ang.
4. Tournament chungchang –
4.1. CAM tournament/Inter District tournament ah tel thin tur a ni a. Inter District tournament bik hi
district tana tih anih angin tel ngei tur a ni. CAM recognised district (Full Member/Associate Member/Adhoc
Member) tel lo chu member an nihna hlihsak emaw financial support pek loh emaw tura hrem theih an ni.
4.2. Inter District Tournament ah hian CAM pawmpui an nih chuan an tel thei ang a; hei bak tournament
kaihhnawih tul dang chu CAM Technical Committee leh Organising Committee te’n tournament tan hmain
an duang thin ang.
5. Player registration –
5.1. District hnuaia player registration hi mumal leh felfai taka kalpui tur a ni. Season khat atan player
pakhatin district pakhat tan bak a khel thei lo ang. CAM hnuaia club dangah pawh a khel thei lo ang.
5.2. Cricket hmasawnna atan leh player te hmasawnna atan District chhunga club te’n club pakhatah state
player ni lo player 2 theuh an ziaklut thei ang. Player chu state pawn atanga chahchhuah tur ni loin an district
area chhunga awmsa/hnathawk a ni tur a ni. District pawn ami khelh tir theih a ni lo ang. Team/Club khatah
player hi mi 25 aia tam ziahluh (register) theih a ni lo ang.
5.3. Player registration hi District Cricket Association OB te kutah a awm ang a, an ni’n player te khul theih
turin Player ID leh registration card an siam ang. Chung mite chauh chuan district an represent thei ang.
6. Club Registration –
6.1. District hnuaia club registration hi Associate Member leh Adhoc Member anga kalpui ni se,
tournament pawh an khel thei ve ve anga, hemi chungchangah hian District Cricket Association hruaitu te’n
tha an tih angin inkaihhruaina an siam thei ang.
7. Hmeichhe team –
7.1. District Cricket Association tinin hmeichhe team pakhat tal nei ngei turin hma an la tur a ni.
8. Academy –
8.1. Academy hi kum 1 chhunga neih hman tur a ni a, academy ah mipa 15 leh hmeichhe 10 tal active
register an awm tur a ni; academy ziahluhah hian mipa 10 leh hmeichhe 5 hi kum 23 hnuailam an ni tur a ni.
9. Thil tul dang –
9.1. Heng inkaihhruaina baka thil tul dang leh harsatna a awm thei chu Apex Council kuta dah a ni