March ni 11, 2023 hian Aijal Club ah Brain Stroming Session on Cricket Development in Mizoram neih a ni a, he hunah hian Apex Council Member; Full Member Club leh Associate Member Club hruaitute aṭangin aiawh pakhat ṭheuh; CAM Standing Committee Chairman ṭheuh leh member aiawh pakhat ṭheuh, Local Coach (Level 1) mi pasarih; Mizoram Team category hrang hranga captain te leh Men’s Senior Team aṭangin member 5 te an tel a.
He hun hi session hniha ṭhen niin, 1st session ah Men’s Senior Team leh Men Under 25 Team te chungchang sawi a ni a. 2nd Session ah Men Under 19 & Under 16 Teams te, Women Senior Team, Women Under 19 & Under 15 Teams te chungchang sawiho a ni a.
Heng ho rual hian CAM hnuaia hmasawn zelna tur chungchang te sawi leh rawtna siam a ni.
Tin, heng bakah hian CAM hmalak mekna leh hriattur pawimawh hrang hrang te inhrilhhriat niin hlawkthlak kan ti hle.
Heng sawihona hrang hrang te hi thu inzul ho siamrema Apex Council ngaihtuah leh rel chhunzawm tura tih a ni.
Session hi dar 11:00 am a ṭan niin tlai dar 5:00 pm ah zawh a ni.
Brain Stroming Session hi Pu Lalrochuanga Pachuau, Hony. President leh K.Vanlalruata te’n an kaihruai a ni