Kum 2021 January ni 21 khan Mizoram chu a vawikhat nan Sikkim an hneh a, kar hmasa mai khan Meghalaya hneh thei dinhmun a an din hnu ah che sual hlauhvin uiawm takin an chak zo ta lova, vawiin ah erawh Ranji Trophy ah ngei Mizoram in Arunachal Pradesh an sawp a ni.
Toss a chak zawk Mizoram in Vawm hmasak an thlang a, Ramhlun Venglai tlangval Remruatdika a che bawn hle a over 13 ah wicket 4 (li) lai la in Captain Taruwar Kohli an wicket 4 a alak ve bawk avangin run 63 lek ah Arunachal Pradesh an vawm out vek a ni. Mizoram lamin vaw ve leh in Taruwar Kohli an Meghalaya an tum tum a a chet that chhunzawm in Double Century (run 203) lai a siam Shreevats Goswami an run 50 a belh ve bawk avangin Mizoram chuan run 338 an siam thei a ni.
2nd innings an tan leh a 1st innings a Mizoram an bat that avangin run 275 laiin mizoram in hma an hruai sa a, Arunachal Pradesh lam in theihtawp chhuah ve leh hnuhnawh viau Mahse Remruatdika Ralte bawk a tir ah an ngamlo leh a, Veteran ball vawm vir thiam Avinash Yadhav an wicket 4 rawn la in First Class cricket a mi 100 a vawm out na chiah a ni bawk a, 2nd innings ah Arunachal Pradesh in run 157 bak an siam theih tak loh avangin Mizoram tan vuak nawn leh ngailovin Innings leh run 118 laiin Arunachal Pradesh an sawp ta a ni. Captain Taruwar Kohli bawk Man of the Match ah thlan a ni.