4th Division Screening Tournament 2026 Final chu October ni 24 hian Ramhlun Sports Complex-ah khelh niin Tanhril CC chuan Kanan CC chu wicket 8-a hnehin Champion nomawi an chawi.
Toss-ah Kanan CC chakin vuak hmasak an thlang a. Over 20 chhungin wicket 8 hlohin run 119 an siam. Opener Vanlalhmachhuana’n run 32 siamin Captain Donald Lalthanmawia’n ball 8-ah run 21 a rawn siam bawk. Tanhril CC tan Captain C. Vanlalhmuaka’n wicket 2 lain Bowler dang te’n wicket 1 ṭheuh an la.
2nd Innings-ah Tanhril CC Captain bawk che ṭhain ball 31-ah run 60 siamin Indra Kumar Chhetri chuan run 26 rawn thawh ve bawkin Over 15.5 chhungin run 123 siamin wicket 2 an hloh a, Wicket 8-in hnehna an chang ta a ni.
Finalist pahnih Tanhril CC leh Kanan CC te hian Season tharah 3rd Division khel turin an tling a ni.
Lawmman –
Player of the Tournament – C. Vanlalhmuaka, Tanhril CC
Best Batter – Parbar Sharma, Kanan CC
Best Bowler – Lalrintluanga, Dinthar CC
Best Fans – Tanhril CC fans