Mipa Under-19 Cricket inelna (tournament) ‘Vinoo Mankad Trophy Plate’ Odisha-a khelh mekah vawiin khan Mizoram in Sikkim wicket 8 a hnehin final an lut.
Mizoram Under-19 Team te hi tournament tir lamah chak loin bul ṭan mahse match hnuhnung lamah an chet ṭhat avangin final an lut a ni.
Final hi October ni 18 (Pathianni) hian Tripura nen an khel anga, champion team te hi season tharah Elite Group an kaisang ang.
Cricket Association of Mizoram chuan Under-19 Mipa team Support Staff te leh player te a lawmpuiin a chhuang hle a, champion ngei turin duhsakna sang ber a hlan a ni.