Cricket Association of Mizoram chuan coaching lama intuaihriamna ‘Coach Internship Programme’ batch thumna chu September ni 24 hian neih zawh niin, internship ti zo te thlahna hun leh certificate hlanna hun hi Pu Lalfakawma Varte, Hony. Secretary in MCA ah a hmanpui a ni.
He hunah hian coach panga te’n thla khat chhung (August ni 24 – September ni 24) nitin MCA Faculty-te kaihhruaina hnuaiah coaching zirin, theory leh practical training te neih ṭhin.
September thla tawp remchang hmasa berah
4th batch internship programme neih leh nghal tum a ni.
Heng internship/training chhuak te hi CAM in a ṭul dan leh mamawh dan azirin School leh Club Academy lama chhawr chhunzawm a tum a ni bawk.
Coaching Internship thawh thumna zirchhuak te :
1. Lalrosanga, Sihhmui
2. Lalchhuanliana, Ramhlun Venglai
3. Lalrosanga, Tlangnuam
4. Vanlalhmuaka, Tanhril
5. Lalruatfela, Maubawk