Cricket Association of Mizoram hnuaiah Level-O Certificate zirchhuak te tana coaching lama intuaihriamna ‘Coach Internship Programme’ batch hnihna chu August ni 21 khan neih zawh niin hetah hian internship ti zo te thlahna leh certificate hlanna Pu Lalfakawma Varte, Hony. Secretary in MCA ah a nei.
He hunah hian coach pariat te’n thla khat chhung (July ni 23 – August ni 21) nitin MCA Faculty-te kaihhruaina hnuaiah coaching zirin, theory leh practical training te neih ṭhin a ni.
August ni 24 aṭang hian 3rd batch internship programme neih leh nghal tur niin, hei bakah hian District Cricket Association te pualin Coach Training Programme August ni 25 – September ni 4 chhunga neih tur a ni bawk.
Heng internship/training chhuak te hi CAM in a ṭul dan leh mamawh dan azirin School leh Club Academy lama chhawr chhunzawm a tum a ni.
Coaching Internship thawh hnihna zirchhuak te :
1. Bernard Lalhmangaihzuala, Tlangnuam
2. P Lalrinhlua, Lily Veng
3. Lalṭhakima, Chaltlang
4. RK Chakma, Chawnpui
5. H Lawmsangzuala, Zemabawk
6. Zomuansanga, Zemabawk
7. Immanuela, Siaha
8. C Hanania, Siaha