2025 – 26 season kharna leh 4th division lut tur zawnna tournament ni bawk ‘Pre Season Screening Tournament’
chu vawiin August ni 12 hian 3rd Battalion MAP Ground, Mualpui ah final khelh niin, Dinthar Cricket Club te’n Nursery Veng Sonics Cricket Club te chu wicket 7 a hnehin an champion.
Heng team hnih te hi season thar (2026-2027 season) ah 4th Division ah in vawtlingin, season thar ah 4th Division Screening Tournament an khel nghal ang.
Cricket Association of Mizoram hnuaiah hian division hi pali ah ṭhen niin, 4th Division hi division hniam ber a ni a, club 18 an awm bawk.
He tournament hi season tournament hnuhnung ber niin,
season tin 4th division screening tournament-a team hnih tla te, club din thar te leh 4th division ni pha lo te’n tournament hi an khel thei a, finalist team te hian 4th Division hi an lut ṭhin a ni.
Tun tournament ah hian team 8 telin, group hniha ṭhen an ni.
Result
* Champion Team – Dinthar CC
* Runner up Team – Nursey Veng Sonics CC
* Player of the tournament – C Lalthlamuana, Dinthar CC
* Best Batsman – CH Lalfamkima, Nursery Veng Sonics CC
* Best Bowler – C Lalthlamuana, Dinthar CC
* MoM in final match – C Lalthlamuana, Dinthar CC