Vawiin July ni 31 Zirtawpni hian Cricket Association of Mizoram (CAM) leh school hrang hrang thawhhona kal zelah Govt Mizo High School leh CAM te’n Vuakhawnna Hun an nei.
Vuakhawnna hi Pu Lalfakawma Varte, Hony. Secretary leh Pu C Lalhuliana, Headmaster, Govt. Mizo High School te’n an nei a, bungraw inhlanna neih nghal a ni bawk.
Pu Lalremruata’n Committee aiawhin report a pe bawk.
He hunah hian School Monitoring Committee member te bakah Coach atana ruat te leh Mizoram player 2 –
B Lalnunfela leh Jacinta Lalṭanpuii te’n hun an hmanpui a, zawhna leh chhanna hun te neih a ni bawk.
CAM-in Coach a ruat te kaltlangin Govt. Mizo High School te hian kar tin ṭum hnih cricket an zir ṭhin dawn a ni.
Anni bakah hian school thawhpui dangah pawh Vuakhawnna Hun hi neih zel tum a ni.
School thawhpuite hi CAM lamin Coach leh cricket bungrua a tum sak dawn a, kum tawp lamah Inter School Cricket Tournament buatsaih a ni bawk ang.
Tunah hian Coach Internship programme CAM-in a buatsaih mek a, school thawhpui bakah club/district academy-ah coach hi la ruat tur an ni.