July ni 29 (Nilaini) khan Guwahati-ah Duleep Trophy 2026 atana North East Zone aiawh tur te thlanna neih niin Squad-ah hian mi 15 awmin Mizoram atangin Joseph Lalthankhuma, Ramhlun Venglai (Batsman) leh Lalrempuia, Champhai (Bowler) te an tel a; Standby-ah K. Vanrotlinga, Ramhlun Venglai te awm bawkin Support staff-ah K. Vanlalruata, Durtlang chu Assistant Coach atana ruat a ni bawk.
Mizoram Mipa Senior Team Captain Joseph Lalthankhuma hi a ṭum hnihna atan thlan a ni. North East Zone Team te hian August 8 aṭangin Dimapur, Nagaland-ah training camp an ṭan ang.
Duleep Trophy hi Zone hrang hrang East Zone, West Zone, South Zone, North Zone, North – East Zone leh Central Zone-ah te ṭhen niin tournament hi August ni 23 hian Bengaluru-a Centre of Excellence-ah khelh tur a ni.
Cricket Association of Mizoram chuan Mizoram aṭanga North East Zone aiawh tel tur te hi a chhuangin, duhsakna sang ber a hlan a ni.
North East Team aiawh thlang tute hi North East Zonal Selection Committee tih niin, Mizoram (CAM) aṭangin Pu Robert Lalfamkima, Hony. President leh Pu Lalfakawma Varte, Hony. Secretary te an tel a ni.