Cricket Association of Mizoram hnuaia school thawhpui tura hmalakna kal zelah April ni 20, 2026, Thawhṭanni hian Ar Ells School, Chaltlang te nen Thawhhona Thuthlung (Memorandum of Understanding) ziah a ni.
Ar Ells aiawhin Headmaster Pu C Lalrinchhana leh CAM aiawhin Secretary Pu Lalfakawma Varte te’n hming an ziak a ni.
CAM hian ṭhalai tam zawkin cricket an khelh theih nan leh cricket khel mek te’n school ah admission awlsam zawka an hmuh theih nan te a theih tawpin hma a la a.
Mizoram aiawha fehchhuak leh cricket zir duh te’n cricket khelh avanga an zirlaipui te ruala class kal, internal test leh exam te an tih theih loh pawha a hrana an hmachhawn theih nan Cricket Association of Mizoram chuan school thawhpuiin hma a la mek zel a ni.