BCCI U-23 Women’s One Day Trophy Plate Group Match palina chu vawiin ni 9 March, 2026 hian khelh niin Mizoram chuan Arunachal Pradesh Wicket 6-in a hneh.
Chandigarh-a inkhelah hian Mizoram toss-ah chakin vawm hmasak an thlang a. Mizoram hian over 45.5 over chhunga vawm out vekin run 153 an siam. ZD Lalnunrili’n Wicket 5 a la a, Thelma Laldinthari leh Sandhia Rai te’n wicket 2 ve ve an la bawk.
Mizoram-in over 34.2 chhungin an target an umpha a. Malsawmtluangi’n run 58 vaw chhuakin Jacinta Lalṭanpuii’n run 41 a siam a. Lallawmawmi’n run 16 a siam a, Lalhmangaihsangi’n out lovin run 12 a siam a, Saihmingliani Sailo-in run 11 a siam bawk.
Tihian Mizoram hian Match 4 khel tawhin vawi hnih an chak a, vawi hnih an chak loh tawh a. Ni 11 March, Nilaini hian an Group Match hnuhnung ber Meghalaya nen an khel ang.