BCCI Senior Women’s One Day Trophy Plate Group Match pathumna chu vawiin ni 10 February, 2026 hian khelh niin Mizoram chuan Manipur Wicket 6-in a hneh.
Barabati Stadium, Cuttack-a inkhelah hian Mizoram toss-ah chakin vawm hmasak an thlang a. Manipur chu run 103-ah an vawm out vek a. Zothansangi’n wicket 3 lain, Sandhia Rai chuan Wicket 2 a la ve bawk. Outstation player – Unnati Naik chuan wicket 3 lain Shivangi Raj-in wicket 2 a la ve bawk.
Batting lamah Opener Lalrinfeli Pautu-in run 29 a siam a, Outstation player Palak Patel chuan run 46* a siam a. Lalhmangaihsangi’n run 10* a siam ve bawk. Mizoram-in over 30.4 chhungin wicket 4 hlohin an target umphain wicket 6 in hnehna an chang a ni.
Mizoram hian an match hmasa pahnihah Nagaland leh Sikkim an hneh lo tawh a. Ni 12 February hian Bihar nen an intum leh ang.