Khaled Memorial 2nd Division Screening Tournament 2025-2026 Final chu vawiin ni 7 February 2026 hian khelh niin Ramthar Veng Gladiators CC chuan Armed Veng CC chu Wicket 6-a hnehin Champion nomawi an chawi.
Toss-a chak Ramthar Veng Gladiators CC te’n vawm hmasak thlangin bul an ṭan ṭha hle. Armed Veng CC tan Opener H. Laldintluanga’n out lovin run 66 a siam a. Ani bakah Santosh Murmu (25) leh Govind Sarki (23) te’n thawh vein Armed Veng CC te’n over 46.4 chhungin run 165 siamin an all out a. Zoremsanga, Denish Lalremruata, C. Laldinpuia leh R. Lalnuntluanga te’n wicket 2 ṭheuh an la.
Ramthar Veng Gladiators CC tan F. Lalnunkima’n out lovin run 59 a siam a, C. Laldinpuia’n run 31 siamin Benjamin Lallawmawma’n run 22 siam bawkin over 37.3 chhungin wicket 4 hlohin an target an umpha a ni. Armed Veng CC tan Andrew Vanlalhruaia leh Zosangkima te’n wicket 2 ve ve an la a ni.
Finalist pahnih te hian Season tharah 1st Division an khel ang.
Final Man of the Match – C. Laldinpuia (Ramthar Veng Gladiators)
31(48), 2/45.
Mimal lawmman
Player of the Tournament – Nasib Rai (Armed Veng CC) 278 runs, 20 Wickets
Best Batsman – C. Laldinpuia (Ramthar Veng Gladiators CC) 333 runs
Best Bowler – R. Lalnuntluanga (Ramthar Veng Gladiators) 28 Wickets