Vawiin ni 2 February, 2026 hian 4th Division Screening Tournament Final chu khelh niin Upper Republic CC chuan Sihphir CC run 117-a hnehin an Champion, season thar atan Finalist te hian 3rd Division an khel ang.
Final hi Lawipu Veng Field ah khelh niin Toss-a chak Sihphir-in vawm hmasak thlangin over 20 chhungin Upper Republic ten run 229 siamin wicket 6 an hloh a, Mustafa Alom Laskar-in run 56 siamin Rintu-in run 49 a siam bawk. Sihphir CC tan Zorinsanga’n wicket 3 lain Nelson Lalhruaitluanga, Samuel Vanlalpeka leh Manase Zothanpuia te’n wicket 1 ṭheuh an la bawk.
Sihphir lamin over 15.5 chhungin run 112 siamin an all out a. Vanneihsanga’n run 40 siamin Rony Lalruatpuia’n run 24 a siam bawk. Upper Republic CC tan Ephraim Lalvohbika leh Sadashiv Singh te’n wicket 3 ve ve an la a. R. Lalchhuanawma, Akash Singh leh Rintu te’n wicket 1 ṭheuh an la bawk.
Player of the Match atan, Upper Republic CC player Sadashiv Singh thlan a ni.
Player of the Series – Amos R. Lalrinhlua (Saron Veng CC)
Best Batter – Akash Singh (Upper Republic CC)
Best Bowler – Amos R. Lalrinhlua (Saron Veng CC)