BCCI Women’s U-15 One Day Trophy chu vawiin ni 10 January hian Group Match hnuhnung ber khelh niin Mizoram chuan Nagaland run 89-a hnehin a ṭum khat nan Final an lut.
Toss-a chak Mizoramin vuak hmasak thlangin over 35 chhungin run 162 siamin wicket 7 an hloh a. Lalruathlui (Dawrpui) chuan out lovin run 43 a siam a, Vanlalremruati (Electric Veng) chuan run 18 siamin Branda Rosepawngia (Siaha) chuan run 15 a siam bawk.
Bowling lamah Mizoram bowler wicket la vekin Jessica Lalmuanpuii’n wicket 4 lain, Branda Rosepawngia, Lalremruati, Lydia Lalnunfeli leh Prerna Lama te’n wicket 1 ṭheuh an la. Nagaland hi run 73 ah an all out a ni.
Ti hian Mizoram hian Group-ah hmahruaitu niin Final an lut a, Group Match-a an hneh loh tawh Tripura nen ni 12 January (Thawhṭanni) hian Final an khel ang.