BCCI hnuaia T20 inelna, Syed Mustaq Ali Trophy Plate chu vawiin ni 30 November, 2025 hian Match thumna khelh niin Mizoram-in run 29 in Manipur a hneh.
MCA Cricket Stadium, Pune-a inkhelah hian Mizoram Toss-ah chakin vuak hmasak an thlang a, over 20 chhungin run 186 siamin wicket thum an hloh a, Mizoram tan Karthik CA (Outstation) chuan run 64(39) a siam a. Captain Joseph Lalthankhuma’n out lovin run 47(31) siamin Jehu Anderson-in run 31(16) a siam bawk. Johan Lalbiakkima (16) leh KC Cariappa (19*) te’n an thawh ve bawk
2nd Innings-ah Manipur lamin over 20 chhungin run 157 siamin wicket 7 an hloh. KC Cariappa leh B. Lalnunfela te’n wicket 2 ve ve lain TC Vanlalremruata, Sumit Lama leh Karthik CA te’n wicket 1 ṭheuh an la bawk.
Ti hian Mizoram hian game thum an khelh tawhah ṭum hnih an chak tawh a. An match lina chu December ni 2 hian Arunachal Pradesh nen an khel leh ang.