North East Rising Cup 2025 : Under – 15 Girls Tournament khelh mekah Mizoram U – 15 Girls te chuan Sikkim U – 15 Girls te chu run 95 in an hneh.
He match ah hian run 42 siamtu Muthi tleirawl Dorothy-i chu Player of the Match atana thlan a ni.
Under – 15 Girls Team te hi match hmasa zawkah tournament –a team ṭha ber zing ami Tripura hneh lo mahse khelh hnihna ah run 95 laiin Sikkim lakah hnehna an changa, last match ah group a team nem bera ngaih leh chak la nei lo Meghalaya chu May ni 18 (Pathianni) hian an tum leh dawna, an hneh chuan Semi Final an lut anga, an lo vanduai palh anih pawhin lehlam match azirn Semi Final luhna chance hi a awm tho a ni.
He match ah hian Muthi tleirawl Dorothy Ngurnunmawii chuan ball 102 a hmachhawn aṭangin run 42 siamin, Mizoram Team chak nan hian a thawhhlawk hle a ni.
Ani bakah hian bowling lamah Jessica Lalmuanpuii, Lalremruati leh Brenda te’n wicket 2 ṭheuh la in run 86 ah Sikkim hi an vawm out vek thei a ni.
North East huapa inelnaah Mizoram hian result ṭha a neih hleih theih loh laia Under – 15 hmeichhia te’n hnehna an chang thei hi Cricket Association of Mizoram chuan a chhuang taka zeta, player te leh Supporting Staff te chungah lawmthu a sawiin, an inkhelh hmabakah pawh chak leh ngei turin duhsakna a hlan nghal bawk a ni.
Match summary
(Sikkim toss ah chakin bowl hmasak an thlang)
Mizoram
– 181/8 in 35 overs
Dorothy – 42 runs
Sikkim
– 86/10 in 29 overs
Jessica, Remruati, Brenda – 2 wicket each