Dt. 10/05/2025 (Inrinni) khan Lunglei DCA chuan District Promotional Tour Programme hmangin Thingfal khua-ah an kal a, Thingfal Cricket hruaitute leh cricket khel ṭhin naupang te nen hun an hmang.
Lunglei DCA hruaitute’n district chhunga khaw lian deuhah cricket in hma a sawn theih nan leh naupang tam zawkin eizawn nana an hman theih nan district chhunga khaw lian deuh te chu fan chhuah hna an thawk mek a ni.
Thingfal Cricket Club hian nikum lamah Lunglei DCA hnuaiah affiliation an lo dil angin Affiliated Club ah pawm an ni a. Lunglei DCA hruaitu kal te hi Thingfal Cricket Club OB te’n lo dawngsawngin inkawmhona hun ṭha tak hman a ni a, khawtlang nu leh pa te aṭanga zawhna leh chhana hun te pawh hman niin, theih ang anga an hmasawn theih dan tur kawng dappui anih tur thuin kan inthlah a ni.
Thingfal Cricket Club President Pu Lalhnehmawia chuan an khua-a cricket ngaina tute’n tournament an neih theih nan puih an mamawh thu a lo thlen angin Lunglei DCA hruaitute’n ruahmanna lo siam saka, a ṭul anga hma lakpui an inhuam thu kan hrilh bawk.
Thingfal khaw chhunga naupang te’n tournament a hma lama an neih theih nan ṭan lo la turin an inchah a. Tun aṭanga reilo teah tournament hi an nei thei turah ngaih a ni.
Thingfal khua hi Mizoram U-15 pawh lo represent tawh Malsawmhlui Hnamte te khua kha a ni a, ani pawh khua ah awmin a theih ang angin a ṭhiante a tihpui ṭhin a. Lunglei District ah chuan cricketer ṭha an neih theihna tura beiseina kan neih san berna zing ami a ni tih theih awm e.
Lunglei DCA hruaitute chuan Promotional Tour Programme hi hun hma lamah Tuichawng khua leh Tlabungah khua ah te an lo hmang tawh a, remchang hmasa berah Buarpui, Haulawng leh khaw dangah te pawh hmang turin ruahmanna an siam mek.
Lunglei DCA aiawha kal te’n India Jersey an hak hi Lunglei DCA President Pu Maroa’n Inter District Champion lawm nana a sponsored a ni bawk.
Issued by : Media Cell, Lunglei DCA