Inter District Cricket Tournament ṭum 4 na Siaha khawpuia neihah Lunglei DCA chuan Serchhip DCA hnehin an champion.
Serchhip leh Lunglei te hi Round Match ah Group khatah awm dunin Lunglei DCA hian an lo hneh tawha, Final ah intum lehin an hneh nawn leh a ni.
Final ah hian Serchhip DCA te’n vuak hmasak thlangin over 20 ah mi 8 hlohin, run 137 an siamin, Lunglei DCA tan target 138 an tuksak.
He target hi umin Lunglei DCA chuan over 17 leh ball 4 ah mi 4 chauh hlohin awlsam takin target hi an umpha thei a ni.
He match ah hian Lunglei DCA opening batsman Jack Lalnunmawia chuan ball 59 a hmachhawn aṭangin run 59 (half century) siamin Man of the Match atana thlan a ni.
Tun tournament ah hian a vawikhat nan 3rd Umpire hman a ni a, hetah hian run out leh stumping etc te TV Umpire rawn theiha siam/chhawpchhuah a ni.
Inter District Cricket Tournament hi District Cricket Association te’n an inthlenchhawk ṭhin a, a thlengtu hi an la champion ngai lo thung.
Kolasib DCA te ṭum hnih champion tawhin, Serchhip DCA leh Lunglei DCA te ṭum khat ve ve an champion tawh bawk.
Results
Champion Team:
Lunglei DCA
Runners up Team:
Serchhip DCA
MoM in final match :
Jack Lalnunmawia, Lunglei DCA
Best Bowler :
Dr. VB Nopha, Siaha DCA
Best Batsman :
Saidingliana Sailo, Siaha DCA
Most Promising Player :
Hmingthanpuia, Serchhip DCA
Player of the Tournament :
Sachin Prajapati, Lunglei DCA