Nizan ni 18 April, 2025 khan Guwahati-ah North East naupang te Cricket-a inelna tur 1st North East Little Masters U-14 Tournament khuhhawnna neih a ni. He hun hi BCCI Secretary Devajit Saikia an hmanpuiin, hmarchhak naupang player-te mai bakah Cricket Association hruaitute an kal ṭha hle a ni.
Tournament neih theih nana hmalatu Convener Pu Mamon Majumdar, BCCI Apex Member chuan thusawiin hmarchhak state 8 ten cricket-a hma kan sawn lehzual theihna tura pawimawh tak zingah kum lama naupang zawkte platform lian chhawp chhuah sak a, inelna sang zawk an hmachhawn tam a ṭul hle tih a sawi a, Under-12 inelna turte pawh ngaihtuah chhoh mek zel a ni a ti.
BCCI Secretary pawn fuihna thu sawiin, Guwahati-ah hian kum 2 chhung U-14 intihsiakna hi neih a ni ang a, kum 3 hnuah state dangte’n an thlen ve tawh tur thu a sawi a ni.
He hun hi CAM Honourary Secretary Pu P. Lalremruata’n a hmanpui a ni. Mizoram in an match hmasa ber naktukah an khel ang a, Meghlaya nen an intum ang.