NOTICE
2024-2025 season atan Cricket Association of Mizoram hnuaia club affiliation leh player te
registration tih hun a lo ni leh ta a, CAM hnuaia club leh player te affiliation ti tura hriattir kan ni e.
Hriattur pawimawh te:
1. CAM Technical Bu – A.2 in a sawi angin club affiliation hi August ni 15 – August 31, 2024 inkara
tihfel vek tur a ni ang. Hemi hunchhung hian player transfer leh registration tihfel vek bawk tur a
ni. CAM hnuaia club lo ni tawh sa te leh club indin thar te tan affiliation hi tih tur a ni.
2. Player registration hi online in (https://cricketmizoram.com) ah hun hawn anih chhungin tih theih a
ni anga; 2023-2024 season a CAM hnuaia player inziaklut tawhsa te tan registration tih nawn a ngai
tawh lo a, club dang a in transfer tur an nih erawh chuan in register hran ngai tawh loin hemi site
kaltlang tho hian transfer tih tur a ni.
3. Player registration ti tur tan heng – Mizoram sawrkar hnuaia Voter’s ID/Adhaar Card leh Ration Card
original, passport, signature te hi upload tur a ni ang. Player document diklo te leh rinhlelhawm te
chu original document enfiah tura reject an ni ang. Registration tih hunchhung bak chu player
ziahluh leh paih theih a ni tawhlo bawk ang. Document te hi August ni 15,2023 hmaa neih a ni ngei
tur a ni bawk.
4. Player registration hi player khelhna tur club chauh a tih theih a ni a, club affiliation ti thar tur tan
club account siam a ngai bawk. Player tam lam hi 1st division – 3
rd division tan player 15 atanga 30
inkar inziahluh theih a ni a, 4th division/Non League tan erawh a tam lam bituk siam a ni lo thung.
5. Club affiliation hi online a tih tur a nilo a, CAM office ah emaw CAM Hony, Jt Secretary hnenah
emaw August ni 15 – August ni 31, 2024 chhungin gpay leh cash a pek theih a ni ang. Hnam bil,
mimal hming leh pawl bil adt. hminga club hming phuah/din theih a ni lo. Affiliation hi CAM hnuai
Club lo inziaklut tawh tan Rs. 300/- leh affiliation ti thar tur tan Rs. 500/- a ni ang.
6. CAM hnuaia district area theuha club hi din tur anih avangin Aizawl district area pawn ami te chuan
anmahni awmna district hnuaiah chauh club affiliation hi an ti tur a ni.
Club affiliation leh player registration chungchanga zawh duh leh hriatchian duh nei te
chaun CAM office/staff te hnenah emaw CAM Joint Secretary hnenah emaw affiliation hawn hun chhungin
zawhfiah theih a ni ang. CAM Technical Bu hi CAM website ah entheihin dah a ni bawk.