Cricket Association of Mizoram
Apex Council Meeting
Vawi 6 na
A hmun : CAM Office, Tuikhuahtlang
A hun : March ni 6, 2023
Thurel 1 na :
Zarkawt Lords CC leh Gorkha CC atanga kan lehkhahmuh heng – Naveen Ayush Gurung, Zarkawt Lords
CC; Lalrinfela, Zarkawt Lords CC leh Rohan Chowdhury, Gorkha CC tan khel te’n February ni 24,2023 a an
inkhelh laia buaina an siam avanga hremna CAM Apex Meeting in a lo siam tawh ngaihtuah tha leh tura an
rawn dilna chu uluk taka kan sawiho hnuin hetiang hian rel a ni.
| (a) Naveen Ayush Gurung, Zarkawt Lords CC (b) Lalrinfela, Zarkawt Lords CC (c) Rohan Chowdhury, Gorkha CC |
– Rs 5000/- fine & 6 match suspend – Rs 5000/- fine & 6 match suspend – Rs 5000/- fine & 6 match suspend |
An pawisa chawi (fine) tur Rs 5000/- hi March thla chhungin CAM Office ah an thehlut ngei tur a ni a,
match ruk hremna (suspend) hi tun season kallai mek 2022 – 2023 season-a an khel lehtur an match hmasa
6 te a ni ang.
Tin, Zarkawt Lords CC leh Gorkha CC te hi an player hrem te ngaihtuah nawn leh tura an rawn dilna
lehkhaa an thu rawn ziah dan hi Apex Council Meeting chuan a ngaithutak hle a. Chuvangin, heng Club
hruaitute hi tun hnua hetiang ti tawh lo tur leh an thiltih dan dik lo tak hi hriattir ni bawk se kan ti.
Thurel 2 na
Tun season kal lai (2022 – 2023 season) atana Legend CC tana inziaklut (register player) VL
Malsawmtluanga chu ama thuin Vaivakawn CC tan a khel a ni tih report kan dawn angin March ni 1,2023
khan CAM Office ah insawifiah tura tih a ni a. Mahse, a rawn inlan loh avanga ziaka a rawn inlan loh chhan
sawifiah tura tih anih anga a insawifiahna kan hmuh chu uluk taka kan sawiho hnuin hetiang hian thutlukna
siam a ni.
VL Malsawmtluanga hi a inziahluh/khel mekna Legend CC tan tun season chhung la inkhel
chhunzawm tura tih a ni a; amaherawhchu, cricket match a khelh leh tur match hmasa panga/5 chu inkhel
thei lo tura tih (supend) a ni. Hei hian tun season kal laia khelh tur a lo nei tling lo anih pawhin season lo awm
leh tur pawh a huam tel ang.
Tin, hetiang buaina leh thil dik lo hi tun hnuah a thlen nawn tawh loh nan inkhelh hmain Tournament
Committee te player endikna uluk zawk leh fimkhur zawkin nei thin tawh se kan ti.
Thurel 3 na :
District Cricket Association te’n an district chhunga club inziaklut tur te ah GSA emaw Sporting Club
emaw te nen thu inhmuh loh leh harsatna thleng thei te ngaihtuahpuiin CAM te’n Sport Council atanga kan
pawisa hmuh thin tih tawpna kan thehluh zulzuiin District Cricket Association te’n DC ah lehkha an thehluh
ve turin thuchhuah/thuziah dan tur hrilhhriat ni se kan ti.
Tin, district chhunga club reng reng te District Cricket Association hnuaia awm pumhlum tur leh an
inrelbawlna pawh an kuta awm tur a ni