Apex Council Meeting
2023 – 2024 season
Vawi 4 na
(Thurel tlangpui)
A hun : December ni 19, 2023
A hmun : CAM Office, Tuikhuahtlang
1 na:
Apex Council meeting hmasa lama inspection neih tura tih heng – Lunglei District Cricket Association, Siaha District Cricket Association leh Serchhip District Cricket Association te endikna/inspection report ngaihthlak anih hnuah dilna lo lut angin heng district cricket association
pathum te hi CAM hnuaia Associate Member dinhmun pek an ni. Associate Member te fund dawn tura ‘District Inkaihhruaina’ in a sawi chu budget ah dahsa anih loh avangin season thar atana kalpui tura tih a ni thung.
2 na :
CAM sum dinhmun report ngaihthlak a ni a, BCCI atangin 1st instalment vaibelchhe 6.5 dawn tawh atangin vaibelchhe 1.82 balance a la awma, tun season chhungin vaiblechhe 4 vel pawisa pekchhuah tur a la awm avangin 1st instalment kan dawn atangin Utlitization Certificate a rang lama siama bawhzui nise tih a ni.
3 na :
AGM a rel tawh angin CAM Bus lei nise tih a ni a, permit ngaihtuaha hma lo la chhunzawm turin Hony. Vice President ruat a ni.
4 na :
Club funding chungchang sawiho a ni a, kan sum dinhmunin a zir loh avangin 1st division club te fund dawn tur atangin 33.34 % tunkar (December ni 19 – 23) chhungin pek nise, 2nd division chin hnuailam te chu kumthar lamah pek tura ruahmanna siam leh nise tih a ni.
5 na :
Indoor pitch siam tura AGM a lo pass tawh chu hmun hnih thlana, cheng nuai 25 ve ve a sak tur chungchangah a rang lama hmalaka, Bill of Quantities (BOQ) a rang lama buaipui nise tih a ni. Heng hmun pahnih thlan turah hian estiamte siama, nuai 25 a a theih loh/aia a san dawn
chuan tender a puma chhuah nise tih a ni a, mahse tun season atan chuan budget ah dah anih tawh avangin nuai 25 hmanga khawih phawt tur a ni ang.
6 na :
Cricket ground Tanhrila siam turah a rang lama kutthlak chhunzawm turin detail estimate leh tul dang te buaipui tur ruat a ni a, tender hmanga hnathawh tura tih a ni.
7 na :
Sihhmui Cricket Ground a pavillion sak mek dinhmun ngaihthlak a ni a, pavillion sak mek hi dismantling hna a zo tawh a, construction tih tan a ni dawn a, soil testing tih hnuah hna hi thawh tan tur a ni ang. Heng pavillion sak hna, monitoring, inspection, quality control leh billing ti turin PWC ruat niin hna hi an thawk mek a ni. Sihhmui Indoor sak hna pawh thawhmek pawh a foundation zawh thuai beisei a ni a, a building sak hna hi July, 2024 ah zo tura beisei a ni bawk.
8 na :
Apex Council in a lo rel tawh angin January thla atanga tournament khel tur 1st Division club leh 2nd Division club te coach ruai theuh tura hriattira, an coach rawih te hming pawh CAM office ah tournament tan hmaa thehlut tura tih nise tih a ni.
9 na :
Mizoram state team hrang hrang te thlir hona neih a ni a, player te hi inhliam, decipline tha lo, nungchang mawi lo, anpui kawp etc. te anih loh chuan replacement tih tlem ni tawh se tih a ni. Selection Committee lam atangin heng kan sawi nungchang mawi lo leh tha lo team a telh zui zel tlak lo te hi Apex Council ah hrilh hre turin a concern committee ah theuh hriattir ni se tih a ni bawk