Apex Council Meeting
2023 – 2024 season
Vawi 3 na
(Thurel tlangpui)
A hun : November ni 9, 2023
A hmun : CAM Office, Tuikhuahtlang
1 na :
CAM Technical Rules duan tawh chu en ho a ni a, siamthat ngai laite siamthain pawm a ni.
Technical Rules leh District Inkaihhruaina te hi a bu a siama, club leh district ah te pek nise tih a ni.
2 na :
District Association hmasawn leh changtlung zawkte Associate Member status pek
chungchang sawiho a ni a, heng – Serchhip District Cricket Association, Lunglei District Cricket
Association leh Saiha District Cricket Association te hi Associate Member status pek turin an
dinhmun enfiah nise tih a ni a. Hun remchang hmasa berah Technical Committee te’n
inspection/enfiahna neih tura tih a ni. Technical Committee rual hian Hony. President, Hony.
Secretary leh Hony. Joint Secretary te inspection neihnaah hian tel tura tih an ni.
Hemi hnu hian hian inspection result thu ngaichang chunga Associate Member status pek
nise tih a ni.
Thurel 3 na :
CAM hnuia club funding chungchang report kan dawn angin a rang lama pekchhuah turin
Treasurer leh Secretary kuta dah a ni.
Thurel 4 na :
CAM hnuaia cricket committee thenkhat te budget chhawpchhuah meeting hmasa lama
ennawn tura tih chu hetiang hian enhoa, pawm a ni.
Umpire Committee budget estimate chu an rawtna tlangpui pawm a ni a; Umpire hlawh chu
budget pelh tir a rem loh avangin a ngai anga kalpui tura tih a ni. A bak tul dang walkie takie,
counter, tablet etc. te chu enfiah phawt anih hnuah a tul anga lei nise tih a ni.
Media Committee leh Women Selection Committee atanga budget estimate pawh siam
danglam ngaite siamthaa pawm a ni.
Thurel 5 na :
CAM constitution thar ber (update ber) mizo tawnga lehlin chungchang sawiho a ni a, tul leh
senso ngaite zirchian hnuah chhawpchhuah leh tura tih a ni.