NECDC member state 6 te inelna
Mipa leh Hmeichhe category ah Mizoram chuan a vawikhatna atan final an lut ve ve e.
Mipa inelna hi –
NECDC Inter State Friendship Cup Men’s Under 19
tih niin Nagaland a khelh a ni a,
Hmeichhe inelna hi –
NECDC U23 Women’s Inter State Tournament 2026
tih a ni a, Sikkim-a khelh a ni thung.
Mipa lam hi ruah sur avangin Semi Finals an inkhel zo thei lo a, League match a pakhatna an lo nih tawh avangin chaka puan an ni a, Mizoram hi a vannei zawkah an ṭang ta a ni. Final ah Manipur an tum ang.
Hmeichhe lam hian Semi Finals ah tournament thlengtu Sikkim chu wicket 8 a sawpin final an lut a, final ah an lut a. Final ah hian Group match a an hneh tawh loh Nagaland an tum ang.
Semi Finals match ah hian half century siamtu
Captain Lalhmangaihsangi (Mami) chu Player of the Match ah thlan a ni.
Final hi April ni 11 – Inrinni hian khelh a ni ang.
Cricket Association of Mizoram chuan tun hnaiah hlawhtlinna a chang chho mawlh mawlh a, NECDC tournament a final Mipa leh Hmeichhia te’n an lut leh pawh hi ropui a tiin player te leh Coaching Staff te a chhuang hle a ni.
Champion ngei turin duhsakna sang ber CAM chuan a hlan e.