BCCI hnuaia zone paruk te inelna zing ami Senior Women’s Inter Zonal One Day Trophy 2025 – 2026 March ni 5 – ni 15, 2026 chhunga BCCI CoE, Bengaluru a neih turah Mizoram aṭangin North East Zone Team atan Lalrinfeli Pautu (Feli Pautu), Hnahthial leh Vanlalremtluangi (Mapuii), Zemabawk te player 15 thlanchhuah zingah an tel.
Coaching Staff ah North East Zone aiawhin Mizoram aṭangin Pu Simon C Lalramchhana, Zarkawt chu Performance Analyst atana thlanchhuah a ni bawk.
North East Zone Team te hian tournament ṭan hmain Dimapur, Nagaland ah camp an nei phawt dawna, karleh Thawhṭanni hi in report hun niin, February ni 24 (Thawhlehni) ah camp hi ṭan tur a ni anga, March ni 2 ah inkhelhna hmun tur Bengaluru an pan ang.
BCCI hnuaih hian Zone paruk – Central, South, North, East, West, and North-East te a awm meka, heng te hian mipa inelna leh hmeichhe inelna hmangin tournament an hmachhawn ṭhin a ni.
Cricket Association of Mizoram chuan Mizorama aṭanga tel tur te hi a chhuangin ṭha taka an chanvo te hlenchhuak turin duhsakna a hlan a ni.