BCCI Senior Women’s One Day Trophy Plate Group Match hnuhnung ber chu vawiin ni 14 February, 2026 hian khelh niin Mizoram chuan Meghalaya run 11-in a hneh.
Railway Stadium, Bhubaneshwar-a inkhelah hian Meghalaya toss-ah chakin vawm hmasak an thlang a. Mizoram-in over 50 chhungin run 114 siamin wicket 9 an hloh a. Lalhmagaihsangi’n out lovin run 59 a siamin Lalnunmawii’n run 17 a siam ve bawk.
Mizoram-in target sang tak siam lo mah se bowling lamah an che ṭha a. ZD Lalnunrili, Zothansangi, Sandhia Rai leh Shivangi Raj (Outstation) te’n wicket 2 ṭheuh an la a. Meghalaya te’n run 103 siamin an all out a, Mizoram-in run 11-in hnehna an chang a ni.
Ti hian Group Match khelh zawh niin Mizoram hi pathumnaah awmin Final an lut zo ta lo a ni.