Col CK Nayudu Trophy Plate Group Match hnuhnung ber chu vawiin ni 1 February, 2026 hian khelh zawh niin Mizoram-in Manipur chu Wicket 8-in a hneh.
Nadiad, Gujarat-a inkhelah hian Toss-a chak Manipur-in vuak hmasak an thlang a, run 213 an siam a. Mizoram tan K. Vanrotlinga’n wicket 3 a la a, Nasib Rai leh PC Zothankima ten wicket 2 ve ve lain, Lalduatliana, Marcus Lalpekhlua leh Johan Lalbiakkima’n te’n Wicket 1 ṭheuh an la bawk. Mizoram lamin run 353 siamin Nasib Rai chuan Century (101) a siam a. Vanlalpekhlua Zote-in run 88 a siam bawk.
2nd Innings-ah Manipur-in run 189 siamin Mizoram tan 1st Innings-a vawm ṭha K. Vanrotlinga’n wicket 5 a la a. Johan Lalbiakkima’n wicket 2 lain Lalduatliana leh Nasib Rai te’n wicket 1 ve ve an la. Mizoram-in an target chu over 9.5 chhungin an tlin thei a, run 53 siamin wicket 2 an hloh a, wicket 8-in hnehna an chang a ni.