BCCI hnuaia T20 inelna, Syed Mustaq Ali Trophy Plate chu vawiin ni 4 December, 2025 hian Group Match hnuhnung ber khelh niin Mizoram-in wicket 8 in Meghalaya a hneh.
Pune-a inkhelah hian Meghalaya Toss-ah chakin vuak hmasak an thlang a, over 20 chhungin run 150 siamin wicket riat an hloh a, Mizoram tan Hunthar tlangval B. Lalnunfela’n wicket 4 a la a, Thingsulthliah tlangval TC Vanlalremruata’n wicket 3 la bawkin KC Cariappa-in wicket 1 a la ve bawk.
2nd Innings-ah Mizoramin harsatna lian tawk lovin over 17.1 ah an target umphain run 151 siamin wicket 2 an hloh. Dawrpui Vengthar tlangval Jehu Anderson-in ball 55 a hmachhawnah out lovin run 82 a siam a, captain Joseph Lalthankhuma pawh out lovin run 38(30) a siam ve bawk. Johan Lalbiakkima (14) leh Karthik CA (5) te’n an thawh ve bawk.
Player of the Match atan Jehu Anderson thlan a ni.
Ti hian Mizoram hian Match 5 khelhah vawi 4 chakin vawi 1 an tlawm a, point 16 hmuin Group-ah pahnih dinhmun hauhin Final an lut a ni. Final hi ni 6 December (Inrinni) hian Group Match-a hneh loh tawh Sikkim nen an khel ang.