BCCI Men’s U-23 State A Trophy Plate Group Final Match chu vawiin ni 19 November, 2025 hian khelh niin Mizoram chuan Meghalaya run 136-in a hneh lo.
Mohali, Punjab-a inkhelah hian Meghalaya Toss-ah chakin vuak hmasak an thlang a, Meghalaya-in Over 50 chhungin run 307 siamin wicket sarih an hloh. Mizoram tan Captain, Nasib Rai chuan wicket 3 lain Sahil Sharma chuan wicket 2 a la a, Lalduatliana’n wicket 1 a la bawk.
2nd Innings-ah Mizoram-in over 43 chhungin run 171 siamin an all out a. Mizoram tan Vanlalpekhlua Zote (Zemabawk) chuan run 41(47) a siam a, Sahil Sharma (Ṭhuampui) chuan run 36(71) siamin Marcus Lalpekhlua (25), Lalduatliana (17) leh Johan Lalbiakkima (13) te’n an thawh ve bawk.
Mizoram hi Plate Group-ah hian match 5 khelin vawi 4 an chak a, Final-a an hneh tak loh Meghalaya hi Group Match-ah hian an lo hneh lo tawh a ni.
Mizoram Captain Johan Lalbiakkima hian Player of the Series lawmman a la a, ani hian tun tournament-ah hian run 320 zet a siam a, Boundary 4 vawi 30 a vua a, boundary 6 vawi 8 vaw bawkin Half Century ṭum thum lai a siam a. Bowling lamah wicket 8 a la bawk a ni.