Vawiin November ni 15, Inrinni hian Mizoram Under 23 Mipa Team te’n Arunachal Pradesh chu run 41 in an hneha, tihian match khat khelh tur la nei chungin final an lut ta a, Meghalaya nen November ni 19 hian final an khel ang.
Mizoram hian vawi 5 khelh turah vawi 4 khel tawhin hnehna an la chang vek a, naktip (Nov ni 17) ah hian final-a an tumpui tur Meghalaya an khel leh ang.
Men’s Under 23 State A Trophy Plate Tournament final a Meghalaya an hneh chuan season tharah Elite ah an kai chho bawk ang.
Cricket Association of Mizoram chuan Under 23 Team te performance hi
a chhuang hle a, CAM Apex Council chuan Support Staff te leh player te chungah lawmthu a sawi a ni.