Dated Siaha, 12th Nov. 2025 :
Siaha District Cricket Association buatsaih President’s Cup 2025 chu vawiin November ni 12, 2025 aṭangin District Playground, Siaha Vaihpi ah khel ṭan a ni.
Inkhel ṭan hmain tournament hawnna hun tawihte hman a ni a, Pu Vanlahruaia Kompa, Chairman, Organizing Board in kaihruaiin Reuben T Kompa, Vice President SDCA in Pathian hnena hlanna hun a nei bawk.
Hawnna hunah hian Pu Derick Salai Solo, President SDCA in thuchah sawiin tournament khelh tur te chu discipline ngai pawimawh turin a chah.
He hunah hian tun hnaia BCCI hnuaia Mizoram team U-19 hmeichhia champion te lawmpuina a hlan baka, Mizoram team a tel Siaha tleirawl pahnih Brenda-i leh Florence-i te lawmpuina a hlan bawk.
Anni pahnih hi he field aṭanga ngeia bul ṭana hlawtlinna chang chho an ni thu te, anmahni anga hlawtlinna an chan theih nana discipline vawng ṭha tur leh taimak chhuah turin tun tournament-a khel tur naupang te fuina thuchah a sawina bawk a ni.
Hemi zawh hian Tv. Eliakim, Secretary, Organizing Board in report pekna neiin inkhel ṭan nghal a ni.
Issued by ; Siaha District Cricket Association