Vinoo Mankad Trophy 2025 (Under 19) Plate Group Match chu vawiin ni 9 October, 2025 khan khelh niin Mizoram chuan Nagaland chu wicket 8-in a hneh.
Chandigarh-a inkhelah hian Mizoram chu toss-a chakin vawm hmasak an thlang a, an thlang sual lo hle. Over 16.3 lekah Nagaland chu 37 chiah siamin an vawm hlum vek. Malsawmzela’n Wicket 6 lain, Rodawngzela’n wicket 3 a la bawk.
2nd Innings-ah Mizoram lamin Wicket 2 hlohin an target chu over 12.1 lekah an umpha a, wicket 8 in an chak a ni.
Match Summary
Nagaland 37/10 (16.3 overs)
Malsawmzela – 6/21 (7.3 overs)
Rodawngzela – 3/1 (4 overs)
Mizoram – 41/2 (12.1 overs)
F. Lalnunkima – 17*
Immanuel Lalpekhlua – 7
Mizoram won by 8 wickets