September ni 24, 2025 (Nilaini) khan Lunglei DCA hruaitute chuan District Cricket Association huam chhunga Buarpui khua-ah Cricket Promotional Tour Programme an hmang.
He programme hi kumin fur chhung inkhelh theih loh lai chuhin district cricket promotional tour neih zawh tumna hmalakna kal zel niin; tihian Lunglei DCA huam chhunga khaw lian zual deuh te chu fan chhuah vek a ni ta a ni.
Buarpui Cricket Club hi nikum khan din a ni tawh a, Lunglei DCA hnuaiah Affiliated member nilai an ni.
Lunglei DCA hruaitu fehchhuak te hi Buarpui Cricket Club OB te’n lo dawngsawngin Inkawmhona Hun ṭha tak hman a ni.
Buarpui cricket club kal zel dan tur leh an hmasawn dan tur te ruahman niin, hmachhawp te sawiho a ni bawk.
Lunglei DCA hruaitu fehchhuak te hian Buarpui Cricket Club ruahmannain an khaw Higher Secondary School-ah cricket promotional campaign hun hman a ni a, zirtirtu leh zirlai te nen zawhna leh chhanna hun hman niin programme hlawkthlak tak hman a ni.
Campaign hun hman zawhah Game Demonstration hun hman a ni a, hetah hian Lunglei DCA hruaitu kal te’n cricket basic (rules & position) te hrilhin hun an hmang bawk.
Buarpui Cricket Club hruaitute’n an khua-ah tournament nei tura team an neih theih chuan Lunglei DCA hruaitute’n an khua-ah kal chilhin tournament an buatsaih sak theih tur thu an hrilh a ni.
Lunglei DCA te’n Associate Member Fund hmanga bungrua an an lei zinga mi ṭhenkhat chu Buarpui khaw cricket in hma a sawn theih nan Buarpui CC President Pu Lalremmawia hnenah an hlan nghal a ni.
(Issued by : Media & Publicity Cell, Lunglei District Cricket Association)