April ni 19, Inrinni hian Mizoram Cricket Academy (MCA), Ramhlun Sports Complex ah 2025 – 2026 season atana ‘Mizoram Women’s Under 19 probables Team’ tur atan open trial neih a ni a, trial ah hian mi 48 an inlan.
Trial hi Women Selection Committee te leh MCA faculties te’n kaihhruaiin, Talent Committee member ṭhenkhat leh CAM Joint Secretary te’n an ṭawiawm bawk a ni.
He trial ah hian Aizawl khawchhung hmun hrang hrang bakah, Aizawl khaw pawn khaw hrang hrang aṭangin an lo tel a ni.
Mizoram probables team atan hian a tlangpuiin mi 20 – 25 inkar vel thlanchhuah ṭhin niin, thla khat bawr vel MCA coach te’n an enkawl hnuah final team atan mi 15 leh stand by ah mi 5 thlanchhuah ṭhin an ni.
Heta thlanchhuah te hian Mizoram aiawhin BCCI hnuaia Women’s Under 19 Tournament chi hnih – T20 format leh One Day format an khel ang.
Hmeichhe lam hi Under – 15 & 19 category te trial neih tawh niin, category dang Under – 23 & Senior Women atan ‘Open Trial’ la buatsaih leh thuai tum a ni bawk.